Create your Account
شركة جريس لاند لخدمات الشحن
شركة جريس لاند لخدمات الشحن
الطيب عبد الماجد يكتب :ناثر الفرح وملك التطريب
.jpg){kind=tracking}
- Dr Abas
- 27 Jun, 2025
- 83
شركة شحن
"هدنة"
( محمد أحمد عوض ) ( حبيبي فاكرك معايا )
بي ( رِق ) و ( طاقية حمرا ) وستة ( كورّس )
فتح ( محمد أحمد عوض ) أم درمان ) وماجاورها
حيث كان الميلاد ودخل السودان ( غنوة ) واقتدار
بموهبة جبارة وتطريب كثيف وصوت ( حلو )
كان ( محمد احمد عوض ) علامةً فارقة في مسيرة الغناء الشعبي السوداني حيث اختط لنفسه مدرسة خاصة إسمها
( محمد أحمد عوض للشدو والتطريب )
فكان فنان عليه كثير من الإجماع وأحد مجددي الغناء الشعبي ومن الناس قريب ..
جمع بين حضور الكلمة وروعة الأداء وجمال الأغنيات
فأصبح مدرسة شعبيه تُدرِس الشجّن وتطفي اللهيب
( محمد أحمد عوض ) لما تسمعو بتطرب وتفرح
( الاتنين سوا )
وهذه ثنائية لايقدِر عليها إلا ( ساحر ) وقد كان كذلك
والمعلمين الكبار البسمعو الغنا ( الصاح )يصيبهم محمد احمد عوض في ( محفل ) فكانت ثالثة ( التعافي ) والقلم علمني يابا ….
إنتقل مع أسرته إلى ( حي العرب ) بأم درمان في بداياته
حيث التقى هناك بالبلدوزر ( عبدالرحمن الريح ) الذي أمده بأشعاره الأولى
وعبد الرحمن الريح زي المدربين العالميين ديل
بمسِك أي فريق ( بجيهو )
غني ليهو يا مراكبي عدينا وعلى توتي ودينا
فعدى بي ( ود العوض ) وعبّر به إلى الضفة الأخري
عبر أغنيه مليحة ولحن راقص
عدتنا مكتمله..وننزل هناك جُملة ..نتمشى في الرمله..ونجلس في شاطينا..
ياسلام ..
على توتي ودينا ..
( ناس ( ود الريح ) ديل صورتم أوضح من ( الآيفون )
مرات ود الريح دا شدة ما متمكن بفصِل الأغنية على خامة صوتك وبتجي مقاسك ( زط )
غني ليهو ( ليك مدة ما بنتا ويا حبيبي وين إنتا )
( كلنا فتشنا عنها ) …!
تغني بها فنانون كُثز لكنها عند ملك التطريب غير ….!!
( وأنا في إشتياق لي شوفتك يا حبيبي وين إنتا )
بدي ( الرِق ) دا ( حضنة ) لما نقول لقاها …
وتعاون ( محمد أحمد عوض ) مع شعراء آخرين كان من بينهم حسن الزبير
و ( حسن الزبير ) شاعر لطيف وموهوب كتب أغنيات
تظل ( متوهطة ) جوانا ….!!
وقد اهدي عوض الجميلة
حبيبي فاكرك معايا
وانت مع المظاهر
غناها ( الطروب ) محمد أحمد عوض باستمتاع
استلما الحوت ( أسيست ) وداها ليفل تاني ودخل بيها الصندوق …وشافوها ناس ( الديجتال )
وتـسْـعَــد بـى سـعـادتى وتـشـقـَى عـشــان شـقـايـا
******
( محمد احمد عوض ) ب ( الرق ) خلاها ترقص
و( الجان ) استخدم ( الرباعي ) فعبرت
وديـمـــه عـشـَـــان رضـَــــاك أنـا بـاذل جهودي
مـاراعـِـيـــــت ضَـنــــــايــا بـلـْـوايــــا وسـهــودى
سِـهـرتَ الـلـيــالـى سَـلـيـتـنـى سَـلـبـتَ عـُـــــودى
بــاب غـُـفــرانـى فـاتـح لـيــك لــو عـُـدْتى عُــودى
( جنس سماحة لكن ) …
وأنـا فـاكـْــــرك مـعـَــــاىْ وإنـــتَ مـع الـمظـاهـــــر مـاراعـِـيــــت وفــَــــايا
عـُــود لـى عـُـش هـَـنـَـانـَـا عـُـشـَّـنــا أوْلـَى بيكا
( ما بلد حرب والله )
( حسن الزبير ) شاعر متحرك أجمل مافيهو إنو قادر على التعبير دون قيود وبارع في التجاوز بلا حدود لكن روحه العفيفة قادرة على ( الفلترة ) ذاتياً فتخرج كلماته نقية ووفية …!!
و( طاعمة )
قادرة على إدخال الفرح في نفوس الناس وقلوب المحبين ولذلك أول ديوان شعري ليهو سماهو ( فرايحية )
( إنها النفس عندما تملي عليك طبعها )
ليمارس ( محمد أحمد عوض ) الصعود بصوت قوي ونادر ومعبّر …وله مساحات تطريبية كبيرة يتحرك فيها الرجل بي راحتو
فقال كلمته باهرة وقوية وعندي كلمة أحب أقولا
وهي واحدة من أغنياته الجميلة وعن مصيري وعن مصيرك
إيه كسبتي بعد فراقي بالألم اتعذب ضميرك
ما لقيتي بلاي سعادة وما قدرت أحن لغيرك
الاخيرة دي لو سمعها ( فيثاغورث ) بياخد لي وقفة
( إنها معادلة الأرض )
طلع بالأغنية الشعبية ( العلالي ) فسمعتها ( المقصورة ) …..
وكان فنان كل الناس …
عندنا تستمع له لابد أن يشجيك واذا لم يحدث ذلك فالخلل ليس في المصدر ونحترم إختلاف الأذواق ويبدو أن روحه الحلوه واستغراقِه في الغناء جعلت أغنياته تخرج صادقة من القلب الى القلب
وإنتي لو ضحيتي زيي في سبيل مبدأ وفكرة
لو وقفتي تشدي أزري لما كانت عيشتي مرة
كنا نتخطى المصاعب ننتصر في العمر مرة
( دي ممكن يسمعها رجل الشارع العادي ومنصور خالد )
كتبا ( الزورق ) ( سيف الدين الدسوقي ) فكان لقاء
داخلي ( حي العرب X حي العرب ) والنتيجه بيضاء
الدسوقي متمكن ومحمد أحمد بجننِن
فكان لقاء ( أم درماني ) صِرف استمتع به الذواقة
وعذبتي وتفنن
ياخ الدسوقي كنب ليهو رغم بعدي برسل سلامي
و ( سيف ) دا لو لعب تتس لأخذنا إلى ( ويمبلدون )
لقوة الإرسال…
ياخ دا قال ( مافي حتى رسالة واحدة بيها اصبّر شويه )
جهجه المغتربين والمهاجرين في شتى أرجاء المعمورة
( والوعد بيناتنا إنك كل يوم تكتب إليا )
جات الحرب الرسايل كلها ( بنكك )
( حليلا هي )…
والله كريم علينا
فكتب هذه الأغنية بذات القلم
وﻟﻮ ﺃﻋﻴﺶ ﻓﻲ ﺍﻟﺪﻧﻴﺎ ﺳﺎﻋﺔ
ﻟﻴﻜﻲ ﺑﻬﺪﻳﻬﺎ ﺑﺸﺠﺎﻋﺔ
ﻏﻴﺮﻙ ﺍﻟﺴﺎﻋﺎﺕ ﻣﻀﺎﻋﺔ
ﻭﺍﻟﻬﻤﻮﻡ ﺗﻮﻗﻆ ﻣﻨﺎﻣﻲ
يا لطيف…!!
ﺍﻟﺴﻨﻴﻦ ﺍﻟﻌﺎﻣﺮﺓ ﺍﻟﻄﻮﻳﻠﺔ
ﻭﺍﻟﻤﺸﺎﻋﺮ ﺍﻟﺴﺎﻣﻴﺔ ﺍﻟﻨﺒﻴﻠﺔ
وﺑﺎﻗﺔ ﺃﺷﻮﺍﻗﻲ ﺍﻟﺠﻤﻴﻠﺔ
ﻟﻴﻚ ﺑﺘﻐﻨﻴﻚ ﻋﻦ ﻛﻼﻣﻲ
ورغم بعدي برسل سلامي
( الدسوقي ) تداعى و ( محمد أحمد) غناها بخفة وبراعة
وﻟﻮ ﺃﻋﻴﺶ ﻓﻲ ﺍﻟﺪﻧﻴﺎ ﺳﺎﻋﺔ ﻟﻴﻜﻲ ﺑﻬﺪﻳﻬﺎ ﺑﺸﺠﺎﻋﺔ
( البيت الاخير عادي ممكن يكون مهَر )
أوا هناك مؤخر صداق أقوى ..؟؟؟
( المُسمى بيننا )
فكان ( محمد أحمد عوض ) يستوقف الجميع بلا استثناء …
هسا ( كابلي ) دا بدي أغنيه لي زول ساكت كدا لو ما كان مُقفل القيم …!؟؟؟
فقد أهداه أغنية (عشمتيني في حبك ليه؟) وهي من كلماته وألحانه
( ناس ( كابلي ) ديل بعرفو البير وغُتاها )
( ويجوز ( غُناها ) ….!!
فتغطى ( العوض ) بكلماته البسيطة التى تشبه ( محمد أحمد ) …
وعمقها الشعبي الذي يحاكي ( كابلي )
وبقارنك بي نجوم الليل
والبدر الظهر في الليل
والبرق البعقبو السيل
والقاك احلي من كل ديل
( قفَل واحتفل )
لذلك كان ( محمد أحمد عوض ) متميز وفنان
إلتقى بذات الفرح مع المسرحي العريض
( الفاضل سعيد ) في أغنيه خفيفة تشبهما …
وأبوي يا يا يابا ما تقول ليهو لا …
البنات دقنها ( دلوكة ) واحتكمت بعضهن
بها للضغط على ( مراكز القرار ) حتى تظفر بمن اختارته شريكاً
وﻭﺍﻓﻖ ﻋﻠﻴﻬﻮ ﺃﻧﺎ ﺭﺍﺿﻴﺔ ﺑﻴﻬﻮ .. ﻋﻠﻴﻚ ﺍﻟﻠﻪ ﻣﺎ ﺗﻘﻮﻝ ﻟﻴﻬﻮ
ﻻ ...
فكانت مرافعة أولية يدرسها أولو الأمر بعنايه
والقبول والرضا شرط زواج لا يمكن تجاوزه
ليغرد محامي الدفع ( محمد أحمد عوض ) في محكمة الغرام والريد ويسترسل في مذكرة الدفاع
وﻣﻦ ﺯﻣﺎﻥ ﺑﺤﺒﻮ ﻭﻫﻮ ﻟﻲ ﺣﺒﻴﺐ..
ﻣﺎ ﺧﺎﻥ ﻋﻬﻮﺩﻭ ﻭﺟﺎ ﻗال ﺧﻄﻴﺐ ...
ﻗﺎﺑﻠﻮ ﺑﻲ ﺣﻨﻴﺔ ﻭﺑﻲ ﺻﺪﺭ رحيب ..
ﻗﻮﻟّﻮﺍ إن شاء الله ﺧﻴﺮ
ﻳﺒﻘﻰ ﻓﻲ ﺍﻟﻨﺼﻴﺐ ...
ﻋﻠﻴﻚ ﺍﻟﻠﻪ ﻣﺎ ﺗﻘﻮﻝ ﻟﻴﻬﻮ ﻻ ...
فتقبل المحكمة الطعن وتحيلها للاستئناف
فيخاطب ( عوض ) عقل الأب وقلِب ( بتو )
ويمضي منافحاً ….
وﻳﺎﺑﺎ ﺃﺭﻉ ﺑﺘﻚ ﻭﺃﻓﺮﺡ ﺑﻲ ﺟﺪﻳﺪا
ﻭﺭﻳﺪﻥ ( ﻳﺎﺑﺎ ) ﺳﺎﻣﻲﻭﺍﻟﺪﻣﻮﻉ ﺷﻬﻴﺪﺓ ...
ﻣﺎ ﺗﺤﺮﻡ ﻗﻠﻮﺏ ﻗﺼتم ﻗﺼﻴﺪﺓ
ﺣﺒﻬﻢ ﻳﺎﺧﻲ سامي وﻓﻲ ﺍﻟﻐﺮﺍﻡ ﻓﺮﻳﺪﺓ ...
ﻋﻠﻴﻚ ﺍﻟﻠﻪ ﻣﺎ ﺗﻘﻮﻝ ﻟﻴﻬﻮ ﻻ ...
فتحكم المحكمة ( بعقد القِران ) ومباركة ولي الأمر ..
فالدفوع قوية والدموع وفية و ( ومحمد أحمد ) تبختر
في المحكمة وقالا بي ( حِنية )
المحكم اقتنعت فكسِب القضية ….
ﻣﺎ ﺗﺸككني ﻓﻮﻗﻮ ﻭﺗﺪﻭﺭ ﺍﻟﺸﻮﺭﺓ
.. ﺑﺘﻚ ﻳﺎﺑﺎ ﺑﻴﻬﻮ ﺳﻌﺎﺩتا ﻭﺳﺮﻭﺭا...
وجاء قرار القاضي حاسماً
بعد الإطلاع على الحيثيات ومذكرتي الإتهام والدفاع
وبعد النظر في أبعاد القضية
تُقبل الدعوى شكلًا وموضوعاً لأنها تحقق
مبدأ العدالة لكل الأطراف ….
( البت دايراهو ) وغاية أي أب سعادة إبنته وسرورها ….
حكمت المحكمة باتمام مراسم الزواج
( رُفعت الجلسة ) …
فهتفنا..يحيا العدل ..
وعلى النجيلة جلسنا
وهكذا كان ( محمد أحمد عوض ) ملهماً وموهوباً
وصداح …
فالتحدي الحقيقي للفنان أن يمضي وتبقى أغنياته تمشي بين الناس وقد فعلها ( محمد أحمد عوض ) وأهدانا باقةً من الأغنيات ( النواضر )
بأداء خاص وصوت مشحون وتطريب عالي
لعب بي 4- 6 -1
إيقاعات متنوعة في خط الدفاع ..
و( كورَس ) محترف في الإمداد والتموين
و ( العوض ) مهاجم صريح
وهي خطة جدبده في كرة ( النغم )
فاستمتعنا بلقاءات خالدة …
بلعب مع ( الشيالين ) باص وخانة بشكل لافت
ونحن نتابع بمتعة …
واحدة من مميزاتو إنو بغني الأغنية وبحكيها ليك
وهكذا كان ( محمد أحمد عوض ) جواب خاص في بريد المبدعين يحوي شوقي وكل احترامي …..!!
نغمة حلوة وإيقاع صاخب …..
كلمات معبّرة وفن أصيل …
طروب وموهوب ……وغناي
وعليك الله ما تقول ليه ….لا
صحي يا صاح …!!؟؟
والليلة برسل ليك سلامي ..!!
شركة جريس لاند لخدمات الشحن المختلفة
هل لديك تعليق؟
لن نقوم بمشاركة عنوان بريدك الالكتروني، من اجل التعليق يجب عليك ملئ الحقول التي امامها *
بحث
الاصناف
معرض الصور
الاشارات
مواقع التواصل
الاخبار المشابهة
.jpg){kind=tracking}
.jpg){kind=tracking}
آمنة السيدح تكتب: جيل الكرامة والصمود
- Dr Abas
- 26 Jun, 2025
آمنة السيدح تكتب :إرتباك المشهد!!
- Auth admin
- 23 Jun, 2025
البديل برس .. مؤسسة اخبارية مستقلة وشاملة .. شعارنا .. الدقة والشفافية والموضوعية في تناول القضايا السياسية والاقتصادية والاجتماعية والالتزام بمبادئ الصحافة الحرة.. هدفنا .. تقديم خدمة إخبارية مميزة ومختلفة.. من خلال متابعتنا للاحداث اول باول على مدار ٢٤ ساعة.. البديل برس .. منبر كل السودانيين الاراء المنشورة في الموقع لا تعبر بالضرورة عن رأي الموقع وانما عن رأي كاتبها
المقالات الاكثر شهرة
-
تعرف علي انواع فصائل دم الحيوانات
- 19 Mar, 2023
-
-
النيل يبتلع 14 شابا
- 30 Nov, -0001